«АЭС референдумы қарсаңында»: Алматыда ҰҚШҰ әскерлерінің оқу-жаттығуы басталды

Қазақстанда Алматы облысындағы «Берег» полигонында ҰҚШҰ-ның «Мызғымас бауырластық – 2024» атты әскери ірі оқу-жаттығулары басталды, деп хабарлайды Orda.kz.

Бүгін салтанатты ашылу рәсімі өтті. Оған Қырғызстан, Тәжікстан, Ресей және Беларусь елдерінің өкілдері қатысып жатыр. ҚР Қорғаныс министрлігінің мәліметіне сүйенсек, оқу-жаттығуларға 2000-нан астам әскери қызметші және 500-ден астам бронетехника мен автокөлік техникасы, соның ішінде Ми-17 және Ми-35 тікұшақтары, Ил-76 және Си-295 ұшақтары мен ұшқышсыз авиация қатысты.

Бұл оқу-жаттығулар Қырғызстанда өткен «Өзара іс-қимыл-2024», «Іздеу-2024» және «Эшелон-2024» жаттығуларының жалғасы саналады және ҰҚШҰ елдерінің әскери-техникалық ынтымақтастығын нығайтудағы маңызды қадам ретінде бағаланады.

Еске сала кетсек, Алматы облысындағы бұл әскери оқу-жаттығулар 6 қазанда белгіленген референдум қарсаңында өтіп жатыр.