Әйелдер мен балалардың құқығын қорғау шаралары күшейтіледі – Тоқаев

Тоқаев Ұлттық құрылтайдың төртінші отырысында балаларды зорлық-зомбылықтан қорғау және өз-өзіне қол жұмсаудың алдын алу туралы жоспардың мерзімі аяқталғанын мәлімдеді. Осыған байланысты әйелдер мен балалардың құқығын қорғау үшін нақты шаралар қабылданды, деп хабарлайды Orda.kz.

Бурабай баурайында өткен Ұлттық құрылтайдың төртінші отырысында Қасым-Жомарт Тоқаев заңдарға маңызды өзгерістер енгізілгенін айтты.

«Өткен жылы барлық аймақта балаларға арналған психологиялық қолдау орталықтары ашылды. Заңға маңызды өзгерістер енгізілді. Тұрмыстық зорлық-зомбылыққа қарсы күрес жөніндегі заң қабылданғаннан кейін жағдай біршама жақсарды. Бірақ кейбір шалғай аудандарда мұндай келеңсіз оқиғалар әлі де тоқтаған жоқ. Жат ағымдардың жетегінде жүрген адамдар жағдайды одан әрі ушықтыруда», – деді Тоқаев.

Президенттің айтуынша, жергілікті билік өкілдері мен қоғам белсенділері тұрмыстық зорлық-зомбылықтың алдын алу жұмысына жеткілікті деңгейде атсалысып отырған жоқ. Оның үстіне, осы бағыттағы шаралар әртүрлі құжаттармен реттеледі, яғни жүйесіз жүргізілуде.

«Барлық құжатты бір жүйеге келтіру керек деп ойлаймын. Осыған орай, «Қазақстан балалары» атты біртұтас бағдарламаны қабылдау қажет.»

«Озық ойлы ұрпақ тәрбиелеу үшін білім мен тәрбие әрдайым қатар жүруі керек. Ашығын айтсақ, бала оқытуда бұған дейін білімге көбірек назар аударылып келді. Ал ұрпақ тәрбиесіне қатысты жүйелі ұстаным болған жоқ. Бұл салаға жеткілікті деңгейде көңіл бөлінбеді. «Тәрбиесіз берілген білім – адамзаттың қас жауы». Сондықтан біліммен қатар тәрбиеге де айрықша назар аудару өте маңызды», – деді президент.