Айдын Рахымбаев қазақ тілін дамытуға 150 млн теңге аударады
BI Group холдингі Qazaq Tili Endowment Qory-на 100 млн теңге көлемінде үлес қосатын болады. Одан бөлек қазақ тілін қолдауға арналған стартаптарға 50 млн көлемінде ақша бөлу туралы шешім қабылдады, деп хабарлайды Orda.kz порталы.
BI Group басшылығы мен Халықаралық «Қазақ тілі» қоғамының тіл үйренуге арналған Qazaq Lingo қосымшасын дамыту және балаларға арналған кітаптар мен өзге де жобаларды жүзеге асыруға келісім жасады. Осы жобаларды жүзеге асыру үшін холдинг 50 млн теңге бөледі. Халықаралық «Қазақ тілі» қоғамы BI Group қолдауымен мемлекеттік тілдегі сапалы контент санын көбейту үшін әртүрлі байқаулар ұйымдастыруды да жоспарлауда.
Біздің компания ұлттық бірегейлікті қалыптастыру мен дамытуда маңызды саналатын қоғамдық істердің алдында келеді. Мысалы шетелдік киноларды қазақша дубляждауға ұзақ жылдардан бері қаржылай қолдау көрсетіп келеміз. BINOM инновациялық мектептері Ыбырай Алтынсарин, Қаныш Сәтбаев, Әбіш Кекілбаев сынды қазақ ағартушылары мен ғалымдарының есімдерімен аталады. Ұлттық киім күні және Қазақ тілі күні біздің корпоративтік мәдениетіміздің бір бөлшегі. Сондықтан Мемлекет басшысының қазақ тілін дамыту бастамасын қолдау – азаматтық міндетіміз. Халықаралық «Қазақ тілі» қоғамымен әріптестігіміз қазақ тілін дамытудағы көп іске септігін тигізеді деген үміттеміз, - дейді BI Group директорлар кеңесінің төрағасы Айдын Рахымбаев.
BI Group компаниялар тобы – еліміздегі ірі инновациялар холдингі, Қазақстандағы жылжымайтын мүлік нарығының көшбасшысы. Холдинг 1995 жылы құрылған. BI Group – құрылыс, девелопмент және инжиниринг сынды түрлі салаларда құрылымы әртараптандырылған холдинг.
Халықаралық Қазақ тілі қоғамы – 1989 жылы 22 қыркүйекте құрылған. Ол қазақ тілін дамытуға ынталы тіл жанашырларын біріктіретін ірі қоғамдық ұйым. Қазақ тілінің мемлекеттік тіл ретінде қолданыс аясын кеңейту, беделін арттыру, қазақ мәдениеті мен ұлттық құндылықтарын насихаттау, тілді қолдану мен оны үйретуде жаңа технологиялық әдістерді пайдалану бағытында қызмет атқарады.
Жаңалықтар
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады
- Музейлер түні 2024: Алматы мен Астананың толық бағдарламасы
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды