Айдын Құлсейітов президент әкімшілігінде жаңа қызметке ие болды

Айдын Құлсейітов президент әкімшілігінің әлеуметтік-экономикалық мониторинг бөлімінің меңгерушісі болып тағайындалды.

Бұл туралы Ақорда хабарлайды.

«Мемлекет басшысының өкімімен Айдын Жеңісұлы Құлсейітов Қазақстан Республикасы Президенті Әкімшілігінің Әлеуметтік-экономикалық мониторинг бөлімінің меңгерушісі болып тағайындалды, ол Қазақстан Республикасы Президенті Әкімшілігінің Стратегиялық жоспарлау бөлімі меңгерушісі лауазымынан босатылды» делінген хабарламада.

Бұған дейін ол жерде стратегиялық жоспарлау бөлімін басқарған.

Айдын Құлсейітов Өскемен қаласының тумасы. Әр уақытта Индустрия және сауда министрлігінде, Энергетика және минералдық ресурстар министрлігінде қызмет атқарған. «Ұлттық инновациялық қорды» және «Қазақстандық индустрияны дамыту институтын» басқарды.
Президент әкімшілігінің стратегиялық зерттеулер және талдау орталығын басқарды.