Айдың толуы Суэц каналын ашуға көмектесті

Суэц каналындағы жолды жауып тастаған Ever Given кемесі толған айдың арқасында орнынан жылжыды. Бұл күшті толқын тудырды, деп хабарлады Orda.kz Leth Agencies компаниясының сайтына сілтеме жасап.

Арна операторы Facebook парақшасында толған айдың салдарынан кеме 80 пайызға бұрылып, жағадан 102 метр қашықтыққа жылжыды деп мәлімдеді.

– Судың деңгейі сағат 11:30-да (Нұр-Сұлтан уақытымен 15:30-да) максимумға көтерілгенде әрекеттер қайта жалғасады, - делінген хабарламада.

Кемені құрлықтан шығару операциясына 10 күшті тіркегіш қатысты.

Жапонияға тиесілі Азиядан Еуропаға жүк тасымалдайтын кеме өзінің бастапқы бағытымен Роттердамға қарай жүзе ме, жоқ па немесе жөндеу үшін басқа портқа бара ма, ол жағы белгісіз.

Қазір 367 кеме канал бойынша қозғалысты қалпына келтіруді күтіп отыр.