Айдос Садықовқа қастандық: Бас прокуратура қылмыстық іс қозғады

Айдос Садықов ісіне Қазақстанның ең тәжірибелі тергеушілері кірісті.

Бұл туралы Бас прокуратура хабарлады. 

«ҚР Бас прокуратурасы Айдос Садықовқа жасалған қастандық бойынша сотқа дейінгі тергеуді бастады. Еске сала кетейік, бір күн бұрын Бас прокурор Берік Асылов Украинаның бас прокурорына ең тәжірибелі қазақстандық тергеушілерді қосып, осы қылмысты ашуға көмектесу жайлы ұсынысымен жүгінген болатын», — деп хабарлады прокуратура.