Айдос Рысбаев Ішкі істер министрінің орынбасары болып тағайындалды

Айдос Рысбаев ішкі істер министрінің орынбасары болып тағайындалды.

Бұл туралы Ақорданың баспасөз қызметі хабарлады.

«Мемлекет басшысының Өкімімен Айдос Қақашаұлы Рысбаев Қазақстан Республикасы Ішкі істер министрінің орынбасары қызметіне тағайындалды» делінген хабарламада.

Бұған дейін ол 2022 жылдың мамыр айынан бастап ішкі істер министрлігі криминалдық полиция басқармасының басшысы қызметін атқарған. 2019-2022 жылдары – Нұр-Сұлтан қалалық полиция басқармасы басшысының орынбасары, 2016-2019 жылдары – Астана қаласы ІІД Сарыарқа аудандық полиция бөлімінің басшысы болды.