Алик Айдарбаевтың қызметінен кету себебі айтылды

Алик Айдарбаев денсаулығына байланысты «ҚазМұнайГаз» басшысы қызметінен кеткен. Бұл туралы «Самұрық-Қазына» қорының қоғаммен байланыс және өзгерістерді басқару жөніндегі басқарушы директоры Ғибрат Ауғанов мәлімдеді.

– Алик Серікұлы Айдарбаев денсаулығының нашарлауына байланысты өз еркімен кету туралы өтініш берді. Осыған байланысты мәселені басқарма, сондай-ақ уәкілетті органдар қарады және қолдады, - деп түсіндірді Ауғанов онлайн-брифингте.

Еске салайық, Құрманғазы Есқазиев «ҚазМұнайГаз» ұлттық компаниясының басқарма төрағасының міндетін атқарушы болып тағайындалды.