Аяжан Еділованың ісі сотқа жетті

Аяжан Еділованы зорлау және өлтіру ісі сотқа жетті. Бұл туралы Алматы қалалық соты мәлімдеді, деп хабарлайды Orda.kz.

«Алматы қаласының МАЭС-на зорлау, сондай-ақ аса қатыгездікпен кісі өлтіру айыптары бойынша қылмыстық іс келіп түсті. Бұл іс жыныстық қол сұғылмаушылыққа қатысты болғандықтан жабық режимде өтед» делінген хабарламада.

Алдын ала тыңдауда істі қарау мәселесі алқабилердің қатысуымен немесе судьямен жеке шешілетін болады.

19 наурызда Алматыда 19 жасар Аяжан Еділова жоғалып кетті. 22 наурызда оның өлі денесі табылды. Полиция «кісі өлтіру» бабы бойынша тергеуді бастады, іс бойынша Түркістан облысының 1993 жылы туған тұрғыны ұсталды.

Аяжан Еділованың денесі бөлшектелгені белгілі болды. Күдікті оның мәйітін үйден шығарып, қоқыс жәшігіне лақтырып үлгерген.