Аягөзде мәйіті табылған офицерге қатысты қылмыстық іс қозғалды

Аягөз гарнизонындағы әскери қызметкердің өліміне қатысты «Өз-өзіне қол жұмсауға итермелеу» бабы бойынша қылмыстық іс қозғалды, деп хабарлайды Orda.kz.  

Бұл туралы қорғаныс министрлігінің тәрбие және идеологиялық жұмыс департаментінің басшысы Тілеухан Басқожаев брифингте мәлімдеді.  

Оның айтуынша, әскери қызметкер екі жылдық мерзімге шақырылған. Марқұм әскери бөлімнің қаржы бөлімінде қызмет етіп, алаңдағы операцияларға қатыспаған.  

«Ол 6 қыркүйекте бөлімге қабылданып, барлық қажетті төлемдерді алған. Қайғылы оқиғадан бір күн бұрын әкесімен сөйлесіпті. Қызмет жағдайына қатысты шағымданбаған», – деді Тілеухан Басқожаев. 

Еске салсақ, Orda.kz 26 жастағы офицердің денесі Аягөз гарнизонының әскери бөліміне қарасты пәтерден табылғаны жайлы жазған болатын.