Аягөз арнайы мектеп-интернаты: жұқпалы аурумен көз жұмғандар ауыр жарақат алған

cover

Аягөзде 2020 жылдың сәуірінде жұқпалы аурулар емханасына түскен интернат тәрбиеленушілері көз жұмған. Сараптама барысында балалар қызылша және ішек ауруларынан көз жұмғандығы анықталған.

Алайда, бала құқықтары жөніндегі уәкіл Аружан Саин бұл нұсқаға күмән келтірген.

Уәкіл эксгумация (жерленген мәйітті жерден қайта алып, сот медициналық сараптамасы- ескерту ОРДА.) жасауға қол жеткізіп, нәтежиесі мынандай болды:

  1. 2006 жылғы балада миының контузиясы, субарахноидальды қан кету, жабық краниоцеребральды жарақат (ССИ) анықталды;
  2. 2009 жылғы балада мидың контузиясы, бас сүйегінің қоймасы мен негізінің сынуы, CCMT;
  3. 2008 жылғы балада мидың контузиясы, субарахноидты қан кету, бас сүйек негізінің сынуы, СӨП.
  4. Ал төртінші тәрбиеленушінің тексеру нәтижелері туралы хабарланған жоқ.

Сараптама нәтежиелерін Аружан Саин өзінің Facebook желісінде жариялаған.

Оның айтуынша, оқиға орын алғаннан кейін тек төрт ай өткен соң ауыр дене жарақатын алу фактісі бойынша қылмыстық істер бөлек сот өндірісіне бөлініп, Шығыс Қазақстан облысы полиция департаментінің тергеу бөліміне жіберілген.

Нәтежиеге сүйене келе уәкіл төсек тартып жатқан балалардың өздері дене жарақаттарын ала алмайтындығын ескере кетті.

Уәкіл қайтыс болған балалардың төсек тартып жатқанын, демек, олар бұл жарақаттарды өздері ала алмайтындығын атап өтті.

«Мен Шығыс Қазақстан облысының әкімдігінен осы мектеп-интернаттың қызметін жан-жақты тексеруді сұрағаныма қарамастан, 2019 жылдың күзінде жүргізілген тексеру формальды болды, ал интернат балаларының құқықтарын қамтамасыз ету жағдайы мүлдем жақсарған жоқ. Нәтижесінде жан түршігерлік жағдай орын алды: осы жылдың сәуірінде төрт тәрбиеленуші қайтыс болды. Тек кейін Интернаттағы қайғылы оқиғаларды менің өкілдерімнің қатысуымен орталық органдардың комиссиялары жан-жақты тексерді. Қайғылы жағдай орын алғаннан кейін 1 ай өткен соң арнайы комиссия балаларды құтқаруға болатынын хабарлады. Комиссия «орталықтың қызметкерлері балалардың ауыр халде екендігін қажетті деңгейде бағаламаған», - дейді Аружан Саин.

Бірнеше бала ауруханаға түскеннен кейін екі сағат ішінде қайтыс болған, қалғаны екі күннен кейін көз жұмған.

Оқиға орын алған кезде:

«Балалар негізгі және қатар жүретін аурулардың, соның ішінде туа біткен патологиялардың салдарынан қайтыс болды», -деген Денсаулық сақтау вице-министрі қызметін атқарған Людмила Бюрабекова.

Жаңалықтар

барлық жаңалықтар