Қай өңір жемқорлық бойынша көш бастап тұр?

Өңірлер бойынша Түркістан облысы мен республикалық маңызы бар үш қала Call-орталыққа жүгінгендердің саны бойынша алдыңғы орында деп республиканың сыбайлас жемқорлыққа қарсы күрес агенттігінің ерекше маңызды істер жөніндегі тергеушісі Данияр Биғайдаров брифингте хабарлады.

 – Биылғы жылдың басынан бастап Call-орталыққа 5,5 мыңға жуық қоңырау келіп түсті. Өткен жылмен салыстырғанда 26%-ға көп, деді Биғайдаров.

Оның айтуынша, шағымдар полиция қызметкерлерінің, білім беру және денсаулық сақтау қызметкерлерінің әрекеттеріне түсіп жатыр.

– Өтініш берушілер саны аймақтар бойынша оңтүстік және орталық облыстар көш бастап тұр: Түркістан облысы - 28 факт, Алматы - 14, Шымкент - 10, Нұр-Сұлтан - 11, деді тергеуші.