Қай елдер Қазақстанға инвестиция құйып жатыр?

Ұлттық банк Қазақстанның пандемияға дейінгі шетелдік инвестиция ағынына қайта оралғанын хабарлады.

2021 жылдың қорытындысы бойынша Қазақстанға тікелей шетелдік инвестициялардың (ТШИ) жалпы ағыны 23,7 млрд долларды құрады, бұл бір жыл бұрынғыдан 37,7%-ға жоғары. 2020 жылы ТШИ 17,2 млрд доллар болған.

Жалпы, Қазақстан Республикасының Сыртқы істер министрлігі 2021 жылдың соңына дейін 19 миллиард доллардан астам шетелдік инвестиция тартуды болжады.

Қазақстан экономикасына  инвестиция салатын ТОП-10 елдің тұрақты көшбасшылары бар. Нидерланды, АҚШ, Швейцария, Ресей мен Қытай  25%-дан 92%-ға дейінгі мөлшердегі  инвесторлар бойынша көш бастап тұр. Бұл елдердiң инвестициялық жалпы көлемдегi үлесi – 68,3%.

2021 жылдың сонында Бельгия Ұлыбританияны  6-орыннан ығыстырып, инвестиция өсімі  бойынша Қазақстанды 35,1% -ға басып озды. Оңтүстік Корея  9-орыннан 8-орынға көтерілді, шығыс елдері  ағыны 73,2% құрады.

Қазақстанға инвестиция құйған ТОП 10 ел:

1. Нидерланды – $7,0 млрд

2. АҚШ – $2,8 млрд

3. Швейцария – $2,6 млрд

4. РФ – $1,9 млрд

5. Қытай – $1,8 млрд

6. Бельгия – $1,06 млрд

7. Ұлыбритания – $1,02 млрд

8. Оңтүстік Корея – $805,5 млн

9. Түркия – $679,5 млн

10. Франция – $603,1 млн

Өнеркәсіп ТШИ өсу үрдісін байқап отыр. Мәселен, 2021 жылдың қорытындысы бойынша ауыл, орман және балық шаруашылығында 2,8 есе өсім байқалды. Кәсіби, ғылыми және техникалық қызмет саласында 2,6 есе, ақпарат және байланыс саласына 80,1%, электрмен жабдықтауға 68,3% көп инвестиция салынды.

Өңдеу өнеркәсібінде ТШИ 65,4%-ға күрт секірді. 2021 жылы бұл секторға 2020 жылға қарағанда 2 миллиард долларға көп инвестиция салынды.

Бүгінгі таңда ESG стандарттарына (Экологиялық (қоршаған орта), Әлеуметтік (әлеуметтік сала), Басқару және әл-ауқат (корпоративтік басқару және экономикалық өркендеу)) сәйкес, Қазақстан Республикасының 2025 жылға дейінгі жаңа инвестициялық саясатының тұжырымдамасы әзірленуде.