Air Astana жаңбыр мен бұршаққа төтеп бере алмады

Астанада ауа райының қолайсыздығынан Air Astana әуекомпаниясының төрт ұшағы зақымданды. Толассыз жауған жаңбырға байланысты әуе компаниясы рейстердің кешігетінін ескертті. 

Бұл туралы әуежайдың баспасөз қызметі хабарлады. 

«Рейстердің кешігу себебі 8 тамыз күні Астанада болған дауыл мен бұршақ жаңбыр салдарынан болуы мүмкін. Қазіргі уақытта әуекомпания бұршақ салдарынан төрт ұшақтың зақымдалғанын анықтады» делінген компания ақпаратында. 

Әуекомпания инженерлердің жөндеу әрі тексеру жұмыстарын жүргізіп жатқанын және бұл бірнеше күнге созылатынын мәлімдеді. 

Жөндеу жұмыстары бірнеше күннен кейін бітеді. Жолаушыларымыздан әуежайға жол тартпас бұрын рейс статусын әуекомпания сайтында тексерулерін сұраймыз, — деп мәлімдеді Air Astana.