Air Astana Үндістанға ұшу кестесін өзгертеді

Авиакомпания Алматы - Дели - Алматы бағыты бойынша 9-18 мамыр аралығында KC 907/908 және KC 963/964 тұрақты рейстері тоқтатылатынын нақтылады, деп хабарлайды Orda.kz.

Бұл ретте KC 291/292 Алматы - Мумбаи - Алматы рейстері сәрсенбі, бейсенбі және жексенбі күндері бұрынғы маршруттарын  өзгерте отырып орындалатын болды.

«Ұшулар Airbus A320 және Airbus A321LR әуе кемелерімен ұзағырақ баламалы бағыт бойынша жүзеге асырылады» деп жазылған хабарламада.

Рейстері тоқтаған жолаушылар билет құнын толық қайтара алады немесе ұшу күнін тегін өзгерте алады.

Бұдан басқа, авиакомпания Қазақстан азаматтары мен басқа да жолаушыларды қайтару үшін үш репатриациялық рейс ұйымдастырады.

Бұған дейін Air Astana Үндістан мен Пәкістан арасындағы шиеленіс кезінде Алматы мен Дели арасындағы рейстердің тоқтатылғаны туралы хабарлаған болатын.