Air Astana ұшағы шұғыл түрде Атырау әуежайына қонды

Air Astana ұшағы шұғыл түрде Атырау әуежайына қонды.

Бұл туралы Orda.kz хабарлайды.

Әуе компаниясының хабарлауынша, ұшақ Нұр-Сұлтаннан Стамбулға ұшқан.

– 23 қыркүйекте Нұр-Сұлтан-Стамбул бағытында KC917 рейсіндегі Air Astana Boeing 767 ұшағы Нұр-Сұлтан уақытымен 19:11-де ұшып кеткен. Техникалық себептерге байланысты Атырауға қонуға шешім қабылданды. Қону әдеттегідей Нұр-Сұлтан уақытымен 22:20-да болды. Қазіргі уақытта ұшаққа тексеру жүргізілуде, - деп хабарлады «Эйр Астана» әуе компаниясының баспасөз қызметі.

Облыстық төтенше жағдайлар департаменті ұшақтың техникалық себептерге байланысты (жанар -жағармай жүйесінің ақаулығы) апатты жағдайда қонғанын хабарлады.

– Бортта 205 жолаушы болған, оның ішінде бес бала мен бес экипаж мүшесі бар. Ұшақта болған төрт жолаушы Атырауда тұратын туыстарына қайтты, екеуі басқа ұшақпен Нұр-Сұлтанға ұшты, қалған 199 жолаушы Эйр Астана әкімшілігі ұсынған қонақүйге орналастырылды. Қазіргі уақытта ұшақты техникалық қалпына келтіру және жөндеу жұмыстары жүргізілуде, - деп хабарлады Атырау облысы Төтенше жағдайлар департаментінің баспасөз қызметі.