«Air Astana» Қытайдан жанармай сатып алуды жоспарлап отыр

«Air Astana» әуе компаниясы мен қытайлық PetroChina International Kazakhstan мұнай-газ компаниясының филиалы стратегиялық әріптестік туралы меморандумға қол қойды.

Бұл туралы әуе компаниясының баспасөз қызметі хабарлады.

Әңгіме авиакеросин жеткізу және халықаралық авиациялық отынның Jet A-1 стандартына көшу туралы болып отыр.

«Қазақстанда жанармайдың бұл түрін өндірудің болмауына байланысты тараптар Қытайдағы мұнай өңдеу зауыттарынан тікелей Jet A-1 және экологиялық таза авиациялық отынды (SAF) импорттау мүмкіндігін талқылады» деп түсіндірді әуе компаниясы.

Jet A-1 IATA стандарттарына сәйкес келеді. Оның Қазақстанда қолданылатын TS-1/RT маркаларынан айырмашылығы өндіріс технологиясы мен сақтауында. Jet A-1-нің басты артықшылығы - атмосфераға шығарылған кездегі пайдаланылған газдардың төмен өрт қаупі мен құрамы, сондай-ақ авиациялық қозғалтқыштарды күрделі жөндеу циклінің артуы.