«Air Astana» компаниясына 7 миллиард теңгеге жуық айыппұл салынды

«Air Astana» әуе компаниясына 7 миллиард теңгеге жуық айыппұл салынды, деп хабарлайды Бәсекелестікті қорғау және дамыту агенттігі (БӘҚА).

«Халықтың әуе билеттері бағасының тұрақты өсуіне қатысты өткір сыны аясында, әсіресе сұраныстың жоғарылауы кезеңінде (жазғы демалыс уақыты) ҚР ӘЖК көлік прокуратурасымен бірлесіп, Air Astana әуе компаниясына қызметтік аудит жүргізілді.

Аудит нәтижелері бойынша «Air Astana» әуе компаниясының әрекетінде әрбір билеттен жанар-жағармай үшін негізсіз үстеме өндіріп алу көрсетілген әуе тасымалы нарығындағы үстем жағдайды теріс пайдалану фактілері анықталды. 2023 жылғы 8 маусымда Алматы қаласының Әкімшілік құқық бұзушылық істері жөніндегі мамандандырылған ауданаралық соты «Air Astana» әуе компаниясына 6,7 млрд теңге көлемінде әкімшілік айыппұл салды» делінген хабарламада.

Соттың шешімі заңды күшіне енген жоқ.