Air Astana баспасөз қызметі ұшқыштың ұсталуына қатысты түсініктеме берді

Air Astana баспасөз қызметі ұшқыштың ұсталуына қатысты түсініктеме берді, деп хабарлайды Orda.kz порталы.

23 сәуірде әуе компаниясының ұшқышы Алматы әуежайында ұсталды. Алдын-ала мәлімет бойынша, ол Ақтауға жолаушы ретінде ұшқан.

«2024 жылдың 23 сәуірінде Алматы әуежайында әуе компаниясының ұшқышы есірткі тұтынған күйінде ұсталды. Ол жолаушы ретінде ұшып бара жатқан. Қазір полицейлер сотқа дейінгі тергеу амалдарын жүргізіп жатыр. Қызметкер жұмыстан шеттетілді.
«Эйр Астана» қызметкерлердің алкогольді немесе есірткіні пайдалануына мүлдем жол бермейді, өйткені ұшу қауіпсіздігі біздің басты міндетіміз. Біз экипаждардың қанында алкоголь немесе есірткі бар-жоғын үнемі тексереміз» деп жазылған хабарламада.