Air Astana Алматы – Орал рейсінде жоғалған итке өтемақы төлейді

Сот шығарған қаулы бойынша Air Astana компаниясынан жоғалған ит үшін өтемақы өндірілді, деп хабарлайды Orda.kz.

Алматы қаласы, Түрксіб ауданының соты жолаушының ұшу кезінде жоғалған итіне қатысты істі қанағаттандырды. Оқиға былтыр 30 сәуір күні иесі Малинка есімді итті тасымылдағаннан басталған. Багажға тапсырылған ит Оралға қонған кезде жоқ болған. Әуе айлағының қызметкерлері иттің багажға жібергенде шығып кетіп, ол аэродром аумағынан қашып кеткені жайлы хабарлады және оны табу мүмкін болмады.

Малинканың иесі 1 млн теңге көлеміндегі материалдық залалды, тасымалдауға төленген 18 мың теңгені және 5 млн теңге сомасындағы моральдық шығынды өтеуді талап етіп арыз берді.

Сот талқылау кезінде авиакомпания багажды, оның ішінде жануарларды сақтауға жауапты деп шешті. Алайда моральдық зиян қаражаты 500 мың теңгеге дейін төмендетілді. Сондай-ақ, сот авиакомпанияны тасымалдау құнын 18 мың теңге көлемінде қайтаруға және сот шығындарын 252 026 теңге көлемінде өтеуге міндеттеді.

1 млн теңгенің материалдық залалын өтеу туралы талап келтірілген залалды растайтын жеткілікті дәлелдің болмауына байланысты қабылданбады. Атап айтқанда, үй жануарларын ұстауға, емдеуге немесе жоғалтуға байланысты шығындарды дәлелдейтін құжаттар ұсынылмады.