Аида Балаевның жасаған мәлімдемесі жаңа талқыға себеп болды

Министр Аида Балаеваның «Бірақ» ток-шоуына қатысты жасаған мәлімдемесі әлеуметтік желіде талқыға себепкер болды, деп хабарлайды Orda.kz порталы.

Күні кеше министр жасаған мәлімдемеден кейін әлеуметтік желіде қолданушылар өз ойларын ортаға салды.

Желі қолданушыларының жартысы бағдарламаның жабылуын қос қолдап қолдап отырса, тағы бір бөлігі «Қалаулым», «QosLike», «Бір болайық» сынды бағдарламаларды да қоса жауып тастау керек деген пікірге келді.

«Аталған ток-шоу жабыла салмай, осы бағдарламаны шығарған команда жауапқа тартылуы керек. Енді әйелге келтірген моральдық стресске кім жауап береді? Ол әйелге жала жауып, психологсымақтарға қаратып, диагноз қойғызып, балаларды тартып алмайтынына кім кепіл?» деп жазды желі қолданушылардың бірі.

Еске сала кетейік, 13 наурыз күні «Хабар» телеарнасындағы тұрмыстық зорлық-зомбылық тақырыбы қозғалған «Бірақ» бағдарламасының шығарылымы қоғамда үлкен резонанс тудырған еді. Аталмыш бағдарламаны жабу туралы мәдениет және ақпарат министрі Аида Балаева мәлімдеме жасаған болатын.

«Мемлекеттік идеологияны жүргізіп отырған мемлекеттік телеарна бұндай олқылыққа жол бермеуі тиіс еді. Ең алдымен, редакция барлық этикалық нормаларды сақтап, отбасылық-тұрмыстық зорлық-зомбылық пен арандатушылыққа жол бермеуі, кейіпкерді көпшілік алдында қорламауы қажет еді. Сондықтан телеарна редакциясына бұл үлкен сабақ болады деп санаймыз. Аталған ток-шоу жабылады» деп жазды министр.