Аида Балаева сарапшыларды тұрмыстық зорлық-зомбылықпен күрес жоспарын әзірлеуге шақырды

ҚР Мәдениет және ақпарат министрі Аида Балаева тұрмыстық зорлық-зомбылық туралы айтып, бұл мәселемен күрес жоспарын әзірлеу басталғанын мәлімдеді, деп хабарлайды Orda.kz.

Балаеваның айтуынша, мемлекет тұрмыстық зорлық-зомбылықпен күресу үшін қабылдап жатқан шараларға қарамастан, бұл мәселе әлі де өзекті күйінде қалып отыр.

Ол 1 шілдеден бастап «мұндай құқық бұзушылықтар үшін жауапкершілік күшейтілгенін», дегенмен заңмен жазаланған қапыпезерлер саны екі есеге өскенін атап өтті.

«Егер биылғы жылдың екінші тоқсанында жеті мың адам жауапқа тартылса, үшінші тоқсанда – 27 мыңға жетті. 60 мың адам әкімшілік жауапкершілікке тартылды. Оларға қатысты 75 мың қорғау нұсқамасы шығарылды. Сот тәртіп бұзушылардың тәртібіне 12 мың арнайы талап қойды. Сонымен қатар, жыл басынан бері отбасы-тұрмыстық қатынастар саласындағы құқық бұзушылықтар туралы хабарламаларды тіркеу 20%-ға, оның ішінде қылмыстық – 4,2%-ға, ауыр – 12%-ға төмендегені байқалды», - деді Балаева.

Тұрмыстық зорлық-зомбылықпен күресті күшейту үшін қоғам кез келген заң бұзушылыққа мүлдем төзбеушілік қалыптастыруы керек, деп есептейді министр. Оның айтуынша, бүгінде қазақстандықтарға құқықтық нигилизм тән.

«Өкінішке қарай, бұл себеп емес, құқықтық тәртіпсіздіктің, заңды менсінбеудің және сананы улаудың салдары. Құқықтық нигилизм қазіргі қоғамға тән. Әсіресе, өскелең ұрпаққа алаңдаймыз. Біз ата-ана ретінде балаларымыздың бойына тек үйде ғана емес, оқу орындарында да осындай келеңсіз құбылыспен күресу мәдениетін қалыптастыруымыз керек. Қоғамда заң бұзушылыққа, зорлық-зомбылыққа және мәдениетсіздікке тұрақты түрде төзімсіздік қалыптастыру керек», - деді ол. 

Балаева елде кез келген құқық тәртібін бұзудан мүлдем бас тарту жағдайын қалыптастыру және әйелдер мен балаларға қатысты кез келген зорлық-зомбылықтың жолын кесу қажет деп санайды.

«Осы мақсатта Әйелдер істері және отбасылық-демографиялық саясат жөніндегі ұлттық комиссия тұрмыстық зорлық-зомбылықпен күресудің кешенді жоспарын әзірлеуге кірісті. Біз сараптамалық қоғамдастық пен азаматтық сектордан ұсыныстар күтеміз», - деп түйіндеді шенеунік. 

Естеріңізге сала кетейік, 16 қарашада Астанада қазақстандық спортшылар, блогерлер, журналистер мен заңгерлер елдегі тұрмыстық зорлық-зомбылықпен күрес тақырыбына арналған ерлер жиналысын өткізді. Онда ауыр атлет, төрт дүркін әлем чемпионы Илья Ильин, боксшы, Олимпиада чемпионы Данияр Елеусінов, блогер Нұрлан Батыров және Street Workout Kazakhstan қозғалысының жетекшісі Айтым Жақыпов өз ұстанымдарымен бөлісті.