Ең жас депутат қаңтар қасіреті марқұмдарының рухына құрбан шалды

Ең жас депутат Мәди Ахметов қаңтар оқиғасында қаза тапқандардың рухына құран бағыштап, құрбан шалғанын айтты.

Алматыдағы іс-сапары туралы Instagram парақшасында айтқан депутат қаза тапқандарға құран бағыштағанын да жеткізді.

- Алматыдағы іс-сапарымды қаңтар оқиғасында бақилық болған марқұмдардың рухына құрбан шалып, құран бағыштаудан бастадым. Еліміз аман, жұртымыз тыныш, бірлігіміз бекем болсын, - деп жазды ол.

Мәди Ахметов 1995 жылы 18 қыркүйекте Алматыда дүниеге келген. Әл-Фараби атындағы Қазақ ұлттық университетін журналистика факультетін аяқтаған. Мәжіліс депутаты лауазымына тағайындалғанға дейін ерікті болған, «Жас Отан» Жастар қанатының Алматы қалалық филиалының төрағасы лауазымында жұмыс істеген.