«Ахляк» бақшасындағы жанжал: Баланы тұншықтырған қызметкерлерді қалай жазалады?

Алматы қаласындағы «Ахляк» балалар бақшаларының бір филиалында баланы тұншықтырған бейнежазба елдің жағасын ұстатқан болатын. Ақыры балабақша қызметкерлері жұмыстан қуылды, деп хабарлайды Orda.kz. 

Оқиғаға байланысты «Ахляк» желісінің негізін қалаушы Амина Юсупбаева ата-аналардан ресми түрде кешірім сұрап, күйеуінің көмегімен тәрбиешілерді іріктеу жүйесін қайта қарастырып, қызметкерлердің жұмысын қатаң бақылауға алатындарын мәлімдеді. Оқиғаның нәтижесінде тәрбиеші мен меңгеруші жұмыстан шығарылып, директорға айыппұл салынды, ал филиалдың жұмысын уақытша тоқтату туралы шешім қабылданды.

Юсупбаева бұл жағдайға қатысты баланың ата-анасына материалдық өтемақы төлеуге уәде берді.

Еске сала кетсек, баланың анасы, Бану Төлеуішеваның сөзінше баланы бір апта бұрын ғана «Ахляк» балабақшасына ауыстырған. Балабақшаға барып бейнебақылау камераларын көреміз дегенде, қызметкерлері камералар істемейді деп көрсетуден жалтарған. Бұл бейнежазба әлеуметтік желілерге тарап, қоғам қызу талқылап жатыр. 

Баланың ата-анасы Алматы қаласының Бостандық ауданына арыз жазды.