Ағаш өнімдерін елден шығаруға тыйым салынды

Қазақстанда ағаш материалдарын елден шығаруға тыйым салынды, деп хабарлайды Индустрия және инфрақұрылымдық даму министрлігінің баспасөз қызметі.

«Тыйым 2022 жылғы 9 желтоқсанда күшіне енген «Жекелеген ағаш түрлерінің экспортын реттеудің кейбір мәселелері туралы» Қазақстан Республикасы Индустрия және инфрақұрылымдық даму министрінің 2022 жылғы 7 желтоқсандағы 690 бұйрығымен енгізілді» делінген хабарламада.

Ведомство бұл тыйым ағаш өңдеу өнеркәсібінің дамуына септігін тигізіп, ағаштың елден заңсыз реэкспортталуына тосқауыл болады деп есептейді.

Тыйым жарты жылға жарамды және ЕАЭО ТН ВЭД қоспағанда, ағаштың жекелеген түрлерін Қазақстан аумағынан шығаруға тыйым салуды қарастырады (ЕАЭО ТН коды 4401, 4403, 4404, 4406 және 4407) «Темір жол немесе трамвай жолдары үшін суланған жұмсақ ағаштан жасалған ағаш шпалдар  коды 4406910000».