«Ағашқа асып жатыр»: Астанада маньяк жайлы ақпарат тарады

Әлеуметтік желілерде және мессенджерлерде Астанадағы Көктал ауданында «маньяк пайда болып, түнде жасөспірімдерді ағашқа асып жатыр» деген хабарламалар тарап кеткен, деп хабарлайды Оrda.kz.

Кейбір жазбаларда «төрт құрбан бар» деп айтылады. Тіпті белгісіз ер адамның суреті де қосылған.  Полиция бұл мәліметтердің шындыққа сәйкес келмейтінін хабарлайды.

«Әлеуметтік желілерде Көктал ауданында жасөспірімдерге шабуыл жасап жүрген маньяк туралы тарап жатқан ақпаратқа байланысты полиция бұл мәліметтердің шындыққа сәйкес келмейтінін мәлімдейді»,  деп хабарлады Астана полиция департаменті.

Полиция тұрғындарды тек ресми ақпарат көздеріне сенуге шақырды.