Африкада қан құсқан 15 адам белгісіз аурудан көз жұмды

Танзаниядағы белгісіз ауру 15 адамның өмірін жалмады. Олар дәрігерлерге тым кеш жүгінді, деп хабарлады Anadolu агенттігі елдің денсаулық сақтау министрлігіне сілтеме жасап.

Басылым аурудың негізгі симптомы – қан құсу дейді. Қазірдің өзінде 50 адам жергілікті ауруханаларға жатқызылды.

«Ауру әлі кең тарала қойған жоқ. Тек бір әкімшілік ауданда эпидемия болды», - деді Чуня ауданының бас дәрігері Фелиста Кисанду.

Билік осы ауданға аурудың көзі мен таралу себебін табу үшін дәрігерлер мен мамандарды жіберді.

Қайтыс болғандардың немесе ауруханаға жатқандардың көпшілігі ер адамдар. Оларда асқазан жаралары және бауыр аурулары анықталған. Халыққа алкоголь мен темекіден бас тартуға кеңес беріледі.

Анықталғандай, 2018 жылы осындай індет орын алған. Содан кейін бірнеше науқас ұқсас белгілермен көз жұмған. Сол жылы аурудың себебін анықтау мүмкін болмады.

2021 жылы қаңтарда Африкада нөлдік пациентке белгісіз вирус диагнозы қойылуы мүмкін екендігі белгілі болды. ДДҰ Азияда табылған Нипах вирусының жаңа пандемияға қауіп төндіруі мүмкіндігін ескертті.