Әншілікке бет бұрған Тұрсынбек Қабатовтың ащы дауысы елді шошытты

«Әзіл әлемі» театрын құрған Тұрсынбек Қабатов енді әншілік қабілетін көпшілікке көрсетуді ұйғарды.

Бұл туралы Экспресс К хабарлайды.

Танымал әзілкеш өзінің бұл жоспары туралы «Хабар» арнасындағы «Cover Show» бағдарламасында айтты. Аталмыш жобаны өзі тізгіндейтін Тұрсынбек сол шоуға қатысқан Nazima-мен қосыла ән шырқау үшін ұсыныс тастады.

– Дуэт болып өлең айтсақ қалай болады? Негізі менің дауысым бар. Маған Мейрамбек Бесбаев сенбей жүр. Осы бағдарламаға қатысайыншы деп айтып келе жатырмын, – деді Тұрсынбек Қабатов.

Сол сәтте Тұрсынбек пен Nazima әнші Ерлан Көкеевтің репертуарындағы «Танец под дождем» әнін орындайды. Алайда, Қабатовтың ащы дауысын естіген тыңдармандар сол сәтте оның вокалдық қабілеті жоқ екенін жазып, бұдан былай ән айтпауын өтініпті.

«Тұрсынбек, қоя қойшы сен», «Тұрсынбек соңғы кезде алжыған ба?», «Тұрсынбек барлығын бұзды», «МС Сайлаубекпен дуэт айтсаңшы» деп сынады тыңдармандар.