Әміржан Қосанов президенттік сайлауға қатысуға дайын

2019 жылғы сайлауда екінші болып келген бұрынғы президенттік үміткер қайтадан сайлауға түсуге ниетті. Бұл туралы ол Facebook-тегі жеке парақшасында хабарлады.

«Тоқаев Назарбаев стилінде кезектен тыс президент сайлауын жариялады. Уақыт өтіп жатыр. Әрине, ОСК ыңғайсыз адамдарды тіркемейді. Олар біраз қиындық жасайды. Бірақ мен 2019 жылы барлық ресми процедуралардан өттім. Иә, Әбіләзов, Қажыгелдин және басқа да бұрынғы оппозиционерлер маған жала жапты, бірақ биліктің басқа қарсыласы тіркелсе, мен оларды қолдаймын. Мен өз кандидатурамды ұсынып, тіркелуге дайынмын, өйткені мен заңды түрде тіркелуден өткенмін» деп жазды саясаткер.

Қазақстандықтар бұл жағдайға екіұштылық танытты. Оппозиция қайраткерін қолдайтындар да, оның 2019 жылғы сайлаудағы Тоқаевтың жеңісін оның нәтижесі жарияланбай тұрып-ақ мойындағаны еске алғандар да болды. Оның жазбасының астындағы түсініктемелерде әлеуметтік желі қолданушылары:

«Қолдаймын, Әміржан! Бізге өзгерістер қажет. «Ит үреді, керуен көшеді» дегендей, диван батырлары жетіп жатыр. Тек қана алға!»

«Баруымыз керек, аға!»

«Матч-реванш»

«Мен сізге дауыс бердім, бірақ енді бермеймін, кешіріңіз»

«Сіздің тарихи бейнеңіз ел санасында қалыптасып үлгерді. Қолдау таппасаң,тағы да күлкіге қаласың. Бұл қандай саяси қозғалыс (мазохизм бе)?»

«Дауыс бердік. Нәтижесінде сіздің дауысыңыз  ұрланды, ол басқасына кетті дейік. Осы жағдайдағы Сіздің әрекетіңіз. Қандай әрекет етер едіңіз?» деген жазбалар қалдырды.

Тоқаев 1 қыркүйекте парламент палаталарының бірлескен отырысында алдағы президенттік сайлау туралы хабарлады. Ол президенттік мерзімін бір реттік,  ұзартылмайтын жеті жылдық мерзіммен шектеуді «ұсынатынын» айтты.

Қолданыстағы заң бойынша Қазақстан Президенті бес жыл мерзімге сайланады және қатарынан екі мерзімнен аспайтын мерзімге сайланады.