Әлихан Смайылов әйелдер қауымын 8 наурыз мерекесімен құттықтады

ҚР Премьер-Министрі Әлихан Смайылов қазақстандық әйелдерді Халықаралық әйелдер күнімен құттықтады.

«Құрметті әйелдер! Сіздерді 8 наурыз халықаралық әйелдер күнімен шын жүректен құттықтаймын! Қазіргі әлемде әйелдер қоғамның ең белсенді бөлігі болып отыр. Қазақстанда жұмыс істейтін 4,3 миллион әйел бар, бұл жұмыспен қамтылғандардың жалпы санының 48 пайызын құрайды»  деп жазды Смайылов.

Ол мемлекет әйелдер кәсіпкерлігін дамытуға қолдау көрсетіп отырғанын айтты. Оның айтуынша ЭЫДҰ деректері бойынша елдегі бизнес иелері ретіндегі әйелдердің үлесі 45% құрайды екен. Бұл АҚШ пен Түркия сияқты елдермен салыстырғанда жоғары.

«Біздің елімізде әйелдер мемлекеттік басқаруға ерлермен тең дәрежеде қатысады. Егер 2010 жылы мемлекеттік қызметтегі әйелдердің үлесі 52,7 пайыз болса, 2022 жылы ол 55,4 пайызға жетті» делінген Смайыловтың жазбасында.

Қазақстан гендерлік теңдік қамтамасыз етілетін қоғам құруда айтарлықтай жетістіктерге жетті. Мемлекет алдағы уақытта да қазақстандық әйелдердің әл-ауқаты үшін барлық күш-жігерін салады.

«Осы көктемгі мейрамда Сіздердің бізге осындай жомарттық танытып отырған мейірімділігіңіз, даналығыңыз бен жылы лебіздеріңізге, тек өз отбасыларыңызға ғана емес, бүкіл Қазақстан үшін жасап жатқан істеріңізге шын  жүректен ризашылық пен алғысымды білдіруге рұқсат етіңіздер» деп қорытты  премьер-министр.

Бұған дейін Қазақстан Президенті Қасым-Жомарт Тоқаев әйелдерді Халықаралық әйелдер күнімен құттықтаған болатын.