Әлеуметтік төлемдерді аудару туралы қосымша SMS жіберіледі

Әлеуметтік төлемдер алушыларға ыңғайлы болу үшін, сондай-ақ хабарлау процесін жетілдіру мақсатында Мемлекеттік корпорацияда көрсетілетін қызметті алушыларға төлемдерді аудару туралы ақпарат бар SMS хабарламалар жіберу қызметі енгізілді, деп хабарлайды «Азаматтарға арналған үкімет» мемлекеттік корпорациясы.

Бұған дейін азаматтар тек зейнетақы, жәрдемақы және әлеуметтік төлемдерді тағайындау туралы смс-хабарлама алатын. Енді зейнетақыны, жәрдемақыны, әлеуметтік төлемдерді және республикалық бюджеттен біржолғы төлемдерді және мемлекеттік әлеуметтік сақтандыру қорынан төленетін әлеуметтік төлемдерді алуға өтініш білдірген азаматтарға 2 SMS хабарлама жіберіледі: төлемдерді тағайындау және аудару туралы.

Бірінші хабарлама мәтінінде клиенттер: «Құрметті ЖСН! Зейнетақы мен жәрдемақы тағайындау туралы шешім қабылданды. Сіздің банктік шотыңызға ақша аудару туралы хабарлама қосымша жіберіледі» деген хабарлама алады.

Екінші хабарламаның мәтінінде: «Құрметті ЖСН! Сіздің «Банктің атауы» банктік шотыңызда «төлем атауы» қаражаты есепке алынады. «Мемлекеттік корпорация азаматтардың қанағаттану деңгейін арттыру бойынша жұмыс жүргізуде. Енді қызмет алушылар әлеуметтік төлемдердің аударылған күнін білу үшін қоңырау шалып отырмайды, Халыққа қызмет көрсету орталығына келудің қажеті жоқ» деген жазба бар деп түсіндірді  Мемлекеттік корпорациясы басқарма төрағасының орынбасары Асхат Ыбыраев.

Айта кету керек,  жыл басынан бері әлеуметтік-еңбек саласында 2 миллионға жуық мемлекеттік қызмет көрсетілген. Сонымен қатар, азаматтардың әлеуметтік төлемдерді алу үшін Халыққа қызмет көрсету орталығына жүгінуі және электронды үкімет порталы, банктік өтініштер, композиттік қызметтер сияқты басқа да көздер арқылы және проактивті түрде жүгінуі азайып барады.