Әлемге үшінші дүниежүзілік соғыс қаупі төніп тұр – Лукашенко

Беларусь президенті Александр Лукашенко Астанада өткен саммитте посткеңестік кеңістіктегі жағдайды тұрақсыздандыру әрекетіне Батыстың қатысы барын айтты.

– Беларусьтағы жағдайды тұрақсыздандырудың шексіз әрекеттері жалғасып жатыр. 2020 жыл шетелдік кураторлар көтерілісті ашық түрде басқарды. Дәл осындай сценарий бұрын Украинада да байқалған. Мұның бәрі неге әкелгенін көріп отырмыз. Бақытымызға орай, 2022 жылы біз Қазақстанда бейбітшілікті сақтай алдық. Басқа елдердің мемлекеттік төңкерістерін ұйымдастыру тәжірибесі және осы сынаққа жауап бере алған мемлекеттердің санкциялық жазалау диктаты халықаралық құқық нормаларына сәйкес келе ме? Мұндай сұрақты ешкім де қоймайды, – деді ол.

Беларусь президенті әлем халқына үшінші дүниежүзілік соғыс қаупі төніп тұрғанын ескертіп, бұл мәселе жайлы ойлануға шақырды.

– Біздің жауабымыз біржақты болуы керек. Бұл нәрсе үшінші дүниежүзілік соғыстың өршу қаупін тудырады, соғыста жеңімпаздар болмайды. Бұл мәселе туралы барлығы ойлануы керек. Өйткені соғыс қаупі тек Еуропаға ғана емес, бүкіл әлемге төніп тұр. Әлемді дүр сілкіндірген қақтығыстар желісі Азияға да жетті, – деді Лукашенко.