Әлемдегі алғашқы 3D басып шығарылған зымыран ұшырылды

Relativity Space өзінің 3D түрінде  басып шығарылған Terran R зымыранын ұшыруға үшінші рет  әрекет жасады. Бұл жолы зымыран әуеге көтерілді, оны компания сәтті деп атаған.

Американың Relativity Space аэроғарыштық компаниясы 3D принтерде басып шығарылған зымыран ұшырылғанын хабарлады, бірақ ол орбитаға жете алмады. Бірінші кезең қалыпты жұмыс істеді, бірақ екінші кезеңде қысқа уақытқа ғана қосылды. Зымыранның әрі қарай не болғаны туралы хабарланбады.

Terran R бірінші ұшырылымы 8 наурызға жоспарланған болатын, бірақ отын температурасына мәселелеріне байланысты кейінге қалдырылды. 11 наурызда екінші ұшырылым отын қысымындағы ақауларға байланысты болмады.

Terran R ұзындығы 33,5 метр, диаметрі 2,2 метр. Оның басым бөлігі 3D -мен басып шығарылған, оның өндірісіне шамамен 2 ай қажет. Зымыран сұйық оттегі мен сұйық табиғи газды қолдану арқылы ұшады. Ол 1250 келіге дейінгі пайдалы жүкті төменгі Жер орбитасы деңгейіне дейін шығара алады деп болжануда. Оны өндіру дәстүрлі зымырандарға қарағанда әлдеқайда арзан болғандықтан, Terran R спутниктерді ұшыру құнын айтарлықтай төмендете алады деп болжануда.