Әкімнің қаулысына қарсы шыққан жүзге жуық адам әкімдік алдына жиналды
Түркістан облысының әкімі Дархан Сатыбалдының 2 жасар баланы балабақшаға қабылдамау туралы қаулысына қарсы шыққан Сарыағаш ауданының балабақша қызметкерлері мен ата-аналар наразылық білдірді. Олар қаулының күшін жоюды талап етеді.
Сарыағаш ауданының тұрғыны Гүлнәз Қуандықова екі жасар баласын балабақшадан шығаруға қарсы. Оның сөзінше, 5 күн үйде баласына қарап отыруға мүмкіндігі жоқ. Мемлекеттен ешқандай әлеуметтік көмек алмайды.
– Бізге балабақша ауадай қажет. Баламды басқа жерге тастап кете алмаймын. Өзім қарап отырсам, табысымнан қағыламын. Жұмыс істемесем қалай тіршілік етемін? – дейді ол.
Әкімнің қаулысынан соң кіші топтарда жұмыс істеген балабақша қызметкерлері жұмыстан шығарыла бастаған. Оның бірі тәрбиеші Айдана Құралбаева да қысқартуға түскен. Күйеуі жұмыссыз. Мүгедек баласы бар. Отбасында жалғыз жұмыс істейтін ол да енді қалай күнкөретінін білмей дал. 2 жастағы балаларды мемлекеттік тапсырыссыз балабақшада ақылы қалдыру мүмкін емес дейді жиналғандар.
– Әкімдік ақылы топтарды ашуды ұсынды. Аймақта ақылы топ ашу мүмкін емес. Халықтың қалтасы көтермейді. Оның үстіне президенттің 2 жастан 6 жасқа дейінгі балаларды балабақшамен қамту туралы бұйрығы бар. Сол бұйрықтың өзін белден басты, – дейді өзін балабақша меңгерушісімін деп таныстырған Назым Жұмағұлова.
Жиналғандармен әкімнің орынбасары мен облыстық адами әлеуетті дамыту басқармасының басшылары сөйлесті. Басқарма басшысының орынбасары Бауыржан Ахметовтың айтуынша, облыста 3 жастан 6 жасқа дейінгі балалар толық балабақшамен қамтамасыз етілмеген. Осы жоспар орындалғаннан кейін 2 жастағы балалардың жайы қаралады. Ал әкімнің қаулысынан кейін жұмыстан шығып қалғандардың жайы не болатыны белгісіз.
Түркістан облысында балабақшаға баратын 153 мың бала бар. Сарыағаш ауданының өзінде 2 жасар 14 мың бала балабақшаға барған.
Облыс әкімі «мектепке дейінгі тәрбие мен оқытудың мемлекеттік білім беру тапсырысын, ата-ана төлемақысының мөлшерін бекіту туралы» қаулыны 29 қыркүйек күні шығарған. Онда мемлекеттік тапсырыс 3 жастан 6 жас аралығындағы балаларға берілетіні көрсетілген.
Жаңалықтар
- Қазақстанның төрт облысында табиғи апат болуы мүмкін
- 1 мамырдан бастап әуежайларда қауіпсіздік шаралары күшейтіледі
- Тоқаев Бас прокуратураға активтерді іздеу мен қайтаруда заманауи технологияларды пайдалануды тапсырды
- Қазақстан мен Ресей шекарасында жүк көліктерінің кезегі пайда болды
- Қазақстан мектептерінде соңғы қоңырауды тойлау форматы қайтадан өзгерді
- Қазақстандағы су қоймаларының толу жағдайы қандай?
- Су тасқынынан зардап шеккен аймақтарда ҰБТ тапсыру мерзімі ұзартылады
- Салтанат Нүкенованың мемориалдық қоры концерт ұйымдастырмақшы
- Полиция бастығы зорлау фактісі бойынша 11 жылға бас бостандығынан айырылды
- Қазақстан хоккейшілері тарихи жеңіске қол жеткізді
- Қостанай облысының жүргізушілері газсыз қалды
- TikTok Еуроодақ елдерінде де бұғатталуы мүмкін
- Ақтөбеде алаяқтық жасаған аудандық мәслихат депутаты алты жылға сотталды
- Тараз университетіндегі студенттер жатақханадағы жағдайға шағымданды
- Астана әуежайының қызметкерлері еңбек жағдайы мен жалақы деңгейіне наразы
- Қазақстандағы Жеңіс шеруі тек Байқоңырда өтеді
- Елімізде 1400 шақырымнан астам темір жол жөнделеді
- Астанада мектеп есепшілері қаржы жымқырды деген айыппен сотталды
- Сатыбалдының қайын атасы Бақтияр Байсейітов уран кенішіндегі ұрлық ісіне қатысты
- Түркістан облысында полицей өз-өзіне қол жұмсады