Әкімнің ЭСҚ-ы арқылы бюджеттен миллиондар ұрланған

Әкімнің ЭСҚ-ы арқылы әкімдік қызметкері екі жыл ішінде бюджеттен миллиондаған қаржы ұрлаған. Салдарынан мемлекетке келтірілген жалпы шығын 14 миллион теңгеден асып кеткен.

Ақтөбе облысының соты Ақсай ауылдық округі әкімдігінің бас маманын бюджет ақшасын жымқырғаны үшін төрт жылға бас бостандығынан айырды, деп хабарлайды Orda.kz. «Диапазон» басылымына сілтеме жасап.

Сотталған адамның екінші қол қоюға құқығы болған, себебі ол ауылдық округ әкімінің электрондық цифрлық қолтаңбасына (ЭЦҚ) иелік еткен. Соны пайдаланып, 2020 жылдың сәуір айынан 2022 жылдың желтоқсан айына дейін бюджет ақшасын ұрлаған. Нәтижесінде 14 миллион теңгеден астам ақшаны үптеп үлгерген.

Оның үш миллионы әкімдік қызметкерлеріне жалақы төлеуге арналған. Ер адам бюджет қаражатының қалған бөлігін серіктестік пен жеке кәсіпкерлермен заңсыз келісім-шарт жасасу арқылы тапқан.

Сотталушы жазасын орташа қауіпсіздіктегі колонияда өтейді, сонымен қатар сот мемлекетке келтірілген зиянды толық өтеуді міндеттеді.