Әйгілі «Дос-Мұқасан» ансамблі тыңдармандармен қайта қауышады

Бүгін Алматыда Жамбыл атындағы Қазақ мемлекеттік филармониясында «Дос-Мұқасан» ансамблі журналистермен кездесіп, ұжымының алдағы жоспары туралы айтып берді.

Мұрат Құсайынов «Дос-Мұқасан» вокалдық-аспаптық ансамблі «Алматым» атты жаңа әнді жарыққа шығарғанын хабарлады. Туындыда көпұлтты Қазақстан мен Алматы туралы баяндалады.

Сондай-ақ ол «Дос-Мұқасан» көркем фильмі өнер ұжымының қайта түлеуіне, шығармашылық қуат алуына әсер еткенін баса айтты. Өнер иесінің пікірінше, көркем фильм арқылы жас буын «Дос-Мұқасан» әндеріне мойын бұрған.

Айта кетейік, 2022 жылы Мәдениет және спорт министрлігі мен Ұлттық кинемато­гра­фияны қолдау мемлекеттік орта­лы­ғы­ның қолдауымен «Дос-Мұқасан» көркем фильмі жарық көрді. Бас продюсер Айгүл Байбек сол дәуірдегі музыкалық шығар­машылықтың жастар арасында­ғы әсері мен қоғамдағы көрініс­те­рін жеткізгісі келгенін атап өтті.

6 маусым күні Республика сарайында «Дос-Мұқасан» ансамблінің концерті өтеді. Қазақстанның 14 облысын аралап шыққан өнер иелері шығармашылық кеште жаңа әндер шырқалатынын айтты.