Әйгерім Тілеужан отырған изоляторда аштық басталды

Алматыда № 72 тергеу изоляторындағы әйелдер аштық жариялады. Алматы әуежайын басып алу ісі бойынша сотталған белсенді Әйгерім Тілеужан да сонда отыр.

Бұл туралы Orda.kz Тілеужанның адвокатына сілтеме жасап хабарлайды.

Адвокат Айнара Айдарханова Facebook желісінде аштық жариялауға тергеу изоляторындағы нашар жағдай себеп болған нақты дертке шалдыққан кем дегенде екі адамның талып қалғанын жазды.

«Олар басшылыққа арыз жазды, оларды басқалардан оқшаулап, бақылауда ұстауға тура келді, бірақ соған қарамастан № 72 мекемеде әйелдердің құқықтары толығымен бұзылып отыр. Олар әлі де ортақ орындарда. Күні кеше екі камерада өкпе ісінуі түріндегі демігу ұстамасы, екіншісінде эпилепсия болған. Егер жақын маңдағылар, соның ішінде Әйгерім де айғайлап, көмек сұрамаса ол өліп қалар еді. Нақты дертке шалдыққан адамдарға қатысты жағдайлар дәрігерлердің тұрақты бақылауында болуы керек», - деді адвокат.

Қанша әйелдің аштық жариялағаны белгісіз. Бірақ олардың қатарында Бағдагүл Андреева да бар. Ол өткен қараша айында «жаппай тәртіпсіздіктер ұйымдастырып, билікті басып алуды жоспарлады» деген күдікпен жеті адаммен бірге ұсталған соң қамауға алынған.

Әйгерім Тілеужанның да аштық жариялауды көздеп отырғаны хабарланды.

Әйгерім Тілеужан - қаңтар оқиғасы кезінде Алматы әуежайын басып алғаны үшін жуырда төрт жылға сотталған. Бұл іс бойынша тағы төрт адам сотталды. Үкім әлі заңды күшіне енген жоқ.