Әйелдер жалақысы аз –  мәселе көп: ЕҚДБ Қазақстанның дамуына алаңдайды

Әйелдердің жалақысы ерлерге қарағанда үш есе аз болып шықты. Қазақстанның одан басқа да мәселелері жетерлік. Еуропалық қайта құру және даму банкі өзінің елдік стратегиялық құжатында осыған назар аударды.

Банк қызметкерлері 2022-2027 жылдарға арналған жаңа басымдықтарды белгілеп,  онықұжатта сипаттады.

Қазақстандағы стратегиялық басымдықтарға қол жеткізу үшін банк тағы да инвестициялық және саяси қызметке ықпал ететіні хабарланды. Атап айтқанда, бәсекеге қабілеттілікті ілгерілету, Қазақстанның жасыл жолын қолдау және гендерлік теңдікке қол жеткізу туралы айтылып отыр.

Дегенмен, жаңа елдік стратегияға көшудегі негізгі қиындықтардың қатарында халықтың басым бөлігі әйелдерге және гендерлік рөлдерге қатысты дәстүрлі теріс пікір ұстанады деп көрсетілген. Осылайша, банк сарапшылары жұмыссыз әйелдердің үлесі ерлерге қарағанда 1,5 есе көп екенін есептеді. Ал жұмыс істейтін әйелдердің жалақысы ерлердің жалақысының 67,8 пайызын құрайды.

Бұған қоса, Қазақстан «көршілері мен ЭЫДҰ кірісі жоғары елдерден артта қалып, әртүрлі мүмкіндіктерден зардап шегеді».

«Барлық өзін-өзі жұмыспен қамтығандардың төрттен бір бөлігі қорғалмаған. Жұмысшылардың көпшілігі өнімділігі төмен жұмыс істейді. Күштерді жасыл экономикаға көшу кезінде зардап шеккен жұмыскерлерді қайта даярлау бағдарламаларын әзірлеуге және іске асыруға бағыттау қажет. Ерлер тарапынан ең үлкен сәйкессіздіктер елдің батысында байқалады» делінген құжатта.

Сарапшылар елдегі білім беру жүйесі жеке сектордың сұранысын толық қанағаттандыра алмайтынын, осыдан еңбек нарығындағы сәйкессіздіктер орын алғанын қосты.

Елдің басқа да анықталған проблемаларының қатарында: банк секторы салыстырмалы түрде шағын экономиканың көлемі, мемлекеттің экономикаға кеңінен араласуы, капитал нарығының таяздығы және т.б. бар.