Әбіләзовқа қауіп төніп тұр: Қазақстан мен Франция қылмыстық істер бойынша өзара көмек көрсету туралы келісті

Қазақстан Франциямен қылмыстық істер бойынша өзара құқықтық көмек туралы келісімді ратификациялады. Бұл Қазақстан Республикасы билігі Қазақстан азаматтарының Франциядағы мүлкін тәркілей алады деген сөз.

«Қазақстан Республикасы мен Француз Республикасы арасындағы Қылмыстық істер бойынша өзара құқықтық көмек туралы шартты ратификациялау туралы» заңды Қазақстан Сенаты 9 ақпанда қабылдады.

Келісімге сәйкес, Қазақстан мен Франция елдердің аумақтарында тергеу әрекеттерін жүргізе алады, бірақ қылмыскерлерді экстрадициялауға көмектеспейді.

Заңда жеке өмірге қол сұғылмаушылық, хат алмасу құпиясы, тергеу әрекеттерін жүргізу және өзара көмек көрсету үшін уақытша ауыстырылған адамдарға процессуалдық кепілдіктер көзделгені атап өтілген.

Еске салсақ, соңғы деректер бойынша қазақстандық банкир Мұхтар Әбіләзов Францияда тұрады. 2009 жылы оған қатысты қылмыстық іс қозғалғаннан кейін ол республикадан қашып кетіп, халықаралық іздеуге жарияланған. Кәсіпкерге қатысты қылмыстық істер Ресей мен Украинада да қозғалған. 2022 жылдың желтоқсанында ол босқын мәртебесінен айырылды.

Қазақстан Әбіләзовты жалпы сомасы 6 млрд доллардан астам қаржылық бұзушылық жасады деп айыптап отыр. Экс-министрдің өзі де, жақтастары да саяси себептермен қудаланып жатқанын айтады.

Қаңтар оқиғасына дейін, 2021 жылдың желтоқсанында Қазақстанның бұрынғы президенті Нұрсұлтан Назарбаев Әбіләзовты 2011 жылғы Жаңаөзендегі қиартулардың артында тұр деп айыптады. Жергілікті тұрғындар мұны Назарбаевтың өзі жасаған қылмыс деп отыр.