Әбіләзов Франциядан ешқайда кете алмайды

БТА банкі Әбіләзовтың Франциядан кету қажеттілігі туралы хабарламаға түсініктеме берді.

БТА банк Әбіләзовтың 30 күн ішінде Франциядан шығып кетуінің мүмкін еместігі туралы мәлімдеме жасады, деп хабарлайды Orda.kz. тілшісі.

Еске салайық, Мұхтар Әбіләзовқа Франциядан кетуге 30 күн берілген. Бұл туралы қашқын  олигарх әлеуметтік желіде өзі жариялаған болатын.

«Бұл қаулыны орындау мүмкін емес, өйткені тергеу судьясы Әбіләзовке қатысты сот бақылауы шарасын қолданып, оның елден шығуына тыйым салды» делінген БТА Банк хабарламасында.

Сондай-ақ банк 2023 жылдың 23 мамырында Францияның кассациялық соты Әбіләзовке қатысты қылмыстық істің мерзімі аяқталмағаны туралы шешім шығарғанын, сондықтан іс қосымша тергеу үшін тергеу судьясына қайтарылғанын мәлімдеді. Осылайша, Әбіләзов әлі Францияда тергеуде және ол елден кетуге ешқандай құқығы жоқ.