Қадыров Украинаның Ресейге қосылуы туралы мәлімдемесін түсіндірді

Шешенстан басшысы Рамзан Қадыров Украинаның Ресейге қосылуы туралы кеңінен жарияланған мәлімдемесін түсіндірді.

Еске салсақ, бұған дейін Қадыров егер Украина президенті Владимир Зеленский Ресейге қарсы саясат ұстанатын болса, онда Украина Ресейге «қосылуы керек» деп мәлімдеген. Сондай-ақ ол Украина мәселесін өзі шешуге дайын екенін айтқан.

«Мен Шешенстан Республикасы басшысының атынан сөйлеген жоқпын, мен Ресей Федерациясының азаматы ретінде Рамзан Қадыров сияқты сөйледім. Бұл менің пікірім, өйткені қазір біздің мемлекетіміздің тағдыры мен қауіпсіздігі өте қиын жағдайда. Батыс және Еуропа мемлекетіміздің шекарасына ақырындап жақындап келеді. Сондықтан кез келген уақытта проблемалар туындауы мүмкін, егер біз өз позициямыздан бас тартсақ, олар басқалар сияқты бізге өздерінің шарттарын қоюы мүмкін. Мен, азамат ретінде алаңдаймын. Менің республикам, облысым, мемлекетім, халқым туралы өз пікірімді білдірдім» деді Қадыров Instagram желісіндегі тікелей эфирде.

Оның сөздерін РИА Новости келтірді.

Сондай-ақ ол «өз мемлекетінің, президентінің және халқының позициясын қорғауға ерікті» ретінде дайын екенін атап өтті.

«Зеленскийге және Украина туралы айтқаныма келетін болсақ, мен қазір қайталаймын: олар славян халықтарына да сатқындық саясат жүргізеді. Олар өз халқына, дініне жиі соғыс жариялайды. Бұл бәріміз үшін өте қауіпті» деді Қадыров.