Қадыров: Украинаның легитимді президенті – Виктор Янукович

Шешенстан басшысы Рамзан Қадыров Украина Республикасының президенті Владимир Зеленскийге 2014 жылы басшылықтан шеттетілген экс-президент Виктор Януковичке ел билігін тапсыру жөнінде ұсыныс жасады деді. Осындай мазмұндағы жазба Қадыровтың телеграм арнасында жарияланды.

Қадыров Зеленскийдің «елден қашып кетіп, із суытқанын» айтып, оған Киевке келіп, барша украиндықтардан кешірім сұрап, Мәскеу қойған талаптарды орындауы керек екенін айтты.

«Әлі де абырой-беделді сақтап қалу кеш емес. Халықты арандатпаңыз. Қайтыңыз, Владимир! Не үшін сіз Саакашвилидің жолын таңдадыңыз? Галстук тағудан қорқып, өмір бойы қорқып жүрмексіз бе? Сізге президент ретінде қарамаймын, Украинаның легитимді президенті – мен үшін Виктор Янукович. Сол кісіге билікті беріңіз, мүмкін халқыңыз кешірер» деп жазды ол.

Сондай-ақ, Шешенстан басшысы Владимир Зеленскийдің Л/ДХР халқынан, украиналықтардан кешірім сұрауы қажет екенін, оның қашып кететініне әу бастан-ақ күмәнданбағанын айтты.