Адвокаттың сұрағы Бишімбаевты тығырыққа тіреді

Бишімбаевтың бүгінгі сотында  адвокат Игорь Вранчевтың сұрағы Бишімбаевты тығырыққа тіреді, деп хабарлайды Orda.kz порталы.

«Еске салайын, кеше маман қорытындылары жарияланған кезде Салтанат Нүкенованың саусақ іздері еш жерден табылмағаны айтылды. Бишімбаевқа қояр сұрағым бар: бізге айғақ бергенде, сіз Салтанатпен кабинада бірге ішіп, әжетханада отырғандарыңызды айттыңыз. Қалайша бірге ішесіздер, егер бокалдар, стақандар, бөтелкелердегі саусақ іздері тек сіздікі ғана болса?» - деп сұрады қорғаушы. 

Ал бұл сұраққа Бишімбаев жауап бере алмады.

«Шынымды айтсам, білмеймін. Басқа қорытындыларда, оның курткасында саусақ іздері және т.б. бар. Бөтелкемен мен құйған шығармын, вазаны ұстамаған шығар. Мен мұны түсіндіре алмаймын», - деді сотталушы.