Адвокаттар мен заң жөніндегі кеңесшілер цифрлы қызмет көрсетеді

Елімізде адвокат пен заң жөніндегі кеңесшілердің қызметін реттеу, олардың жұмысын цифрландыру қолға алынды.   

Бұл туралы Презитент қабылдауында болған Әділет министрі Марат Бекетаев айтты. Жиында заң жобаларын әзірлеу  мен азаматтарға құқықтық көмек көрсету мәселесі сөз болды. Марат Бекетаев Мемлекет басшысына заң саласындағы мамандардың біліктілігін арттыру, тәртіптік функцияларын дамыту тұрғысында бірқатар бастама қолға алынғанын баяндады.

Президент заң жобаларын дайындау ісін сапалы жүргізіп, азаматтар мен кәсіпкерлерге құқықтық көмек беруді жоғары деңгейінде қамтамасыз етуді тапсырды.

Әділет министрінің айтуынша, бүгінде адвокаттар мен заң жөніндегі кеңесшілер қызметін реттеу, олардың жұмысын цифрландыру, аталған сала мамандарының кәсіби біліктілігін арттыру, тәртіптік функцияларды дамыту мақсатында бірқатар бастамалар іске асырылып жатыр.

Кездесу соңында Қасым-Жомарт Тоқаев Марат Бекетаевқа заң жобаларын дайындау жұмыстарын сапалы жалғастыруды, азаматтар мен кәсіпкерлерге құқықтық көмек беру тұрғысындағы бастамаларды жоғары деңгейінде атқаруды тапсырды.