Адвокаттар алқасы Алматыда ұсталған Бұрхан Жансейітовтің адвокат емес екенін мәлімдеді

Басқарманың заң кеңесшісі Жансейітовке қатысты тергеуді жанжалға қатысы жоқ орган жүргізуі керек деп есептейді.

Алматыда тәртіп сақшыларына арандатушылық жасағаны үшін ұсталған Бұрхан Жансейітов заңгер емес. Бұл туралы Республикалық адвокаттар алқасы президиумының үндеуінде айтылған.

15 шілдеде Бұрхан Жансейітовтің ұсталғаны туралы Қаржы мониторингі агенттігі хабарлады. Aгенттік  адвокат Жансейітов рейдерлік қылмыстық іс бойынша тергеліп жатқан бір топ азаматтардың мүддесін қорғағанын хабарлады.

Тергеу мәліметтері бойынша, 12 шілдеде адвокат күдіктілерді жасырын бақылауға алынғанын біліп, арандатушылық  ұйымдастырған: ол жедел көлікті бөгеп, алдыңғы дөңгелекті тесіп, көліктің әйнегін сындырмақшы  болған.  Содан кейін Қаржы мониторингі агенттігінің жедел қызметкеріне шабуыл жасап, оған дене жарақатын салған.

 «Қаржы мониторингі органдары адвокат Бұрхан Жансейітовті ұстағаны туралы ақпараттың БАҚ-та таралуына байланысты, Республикалық адвокаттар алқасы бұл адамның адвокат емес екенін хабарлайды. Адвокаттар өздерінің Әдеп кодексін басшылыққа ала отырып, кәсіби қызмет барысында қызметкердің  беделіне  қамқорлық жасап, адамгершілік пен құқықтар басымдылығы қағидаттарын басшылыққа алады»  делінген адвокаттар алқасының хабарламасында.

Бұл ретте алқа заң кеңесшісі  Бұрхан Жансейітовке қатысты тергеуді заңдылық қағидатын қатаң сақтай отырып, дау-дамайға қатысы жоқ орган оған білікті заң көмегін алу құқығын беру керектігін баса айтты.

Республикалық адвокаттар алқасы «адвокаттардың құқықтарына немқұрайлы қараудың кең таралған тәжірибесі, адвокаттық қызметтің кепілдіктерін өрескел және жүйелі түрде бұзу барлығына ортақ адвокаттық қызмет құндылықтарын теңестіреді, қайшылықтар мен бір-бірінің ұстанымдарынан бас тартуға әкеп соқтырады» деп атап өтті.