Адвокат шенеуніктердің жалақысын төмендетуді ұсынды

Адвокат Жангелді Сүлейманов Бірыңғай жинақтаушы зейнетақы қоры (БЖЗҚ) мен Әлеуметтік медициналық сақтандыру қоры (ӘМСҚ) басшыларының жалақысы туралы айтты.

Бұл туралы Orda.kz адвокат Жангелді Сүлеймановтың Facebook парақшасына сілтеме жасап хабарлады.

Адвокат өзінің Facebook-тегі парақшасында БЖЗҚ басшылары 2018 жылы орташа есеппен 2,3 миллион теңге алғанын, ал 2019 жылы ӘМСҚ-да жалақы шамамен 1,6 миллион теңге болғанын айтты.

– Сондай-ақ, жүздеген ұлттық компаниялар бар, олар БЖЗҚ мен ӘМСҚ-ға қарағанда көбірек алады.

Біздің көптеген адамдар 50-60 мың жалақы алады. Яғни, кейбіреулерге қарағанда 30-50 есе аз. Қарапайым адамның БЖЗҚ басшылары бір жылда алатын 27 миллион теңгені табуға өмірлері де жетпейді. 50 мың жалақымен 40 жылда 24 миллион ғана жинауға болады, - деп жазды Жангелді Сүлейманов.

Сүлейменовтың айтуынша, мұндай жағдай елде «қалыпты» болмауы керек. Адвокат дәл осы «паразиттер» әлеуметтік алауыздықты қоздырады және халық арасында шенеуніктерге деген өшпенділікті қалыптастырады деген ойда.

Адвокат президентке шенеуніктердің жалақысын шектеу туралы ұсыныспен жүгінген.

Оның пікірінше, бұл бастаманы жүзеге асыру кадр тапшылығына әкелмейді. Жалпы, қазір қазақстандықтар айына 50 мың теңгеге жұмыс істеуге дайын, ал 267 мың адам мемлекеттік қызметке үміткерлер ретінде ұзын сонар кезекке тұрады.

– Жалпы, мен министр ретінде тегін жұмыс істеуге дайынмын, - деді адвокат сөз соңында.