Адвокат Джохар Өтебеков Шымбұлақты сотқа бермекші

Қазақстандық заңгер Джохар Өтебеков әйелі құлап, ауыр жарақат алғаны үшін «Шымбұлақ» тау шаңғысы курорты әкімшілігін сотқа бермекші екенін айтты, деп хабарлайды Orda.kz.

Адвокаттың айтуынша, оның жұбайы Құндыз Өтебекованы Шымбұлақта шаңғы теуіп жүрген кезінде сноубордшылар екі рет қағып кеткен. Салдарынан әйел құлап, жарақат алған.

«Кез келген лайықты орында осындай қығып-соғып жүретіндер бірден билетінен айрылып, сыртқа шығартылады.  Шымбұлақ әкімшілігі кінәлілерді табуға тырысқан да жоқ! Сноубордшылар қашып кетті. Бұл арада  камералар да жоқ. Ұят! Олар келушілерден  ақша алуды ғана біледі! Бұл ақшаның кепілі қайда?»,-  дейді Өтебеков. 

Айтуынша ол қыс бойы Шымбұлақтағы қауіпсіздік деңгейін сынаған ондаған жазбаларды оқыған.

«Иә, біз Шымбұлақты міндетті түрде сотқа береміз! – деді Өтебеков.

Orda.kz редакциясы тау-шаңғы курорты әкімшілігінен жағдайға байланысты түсініктеме беруді сұрады. Демалыс орны өкілдерінің айтуынша, олар қазірдің өзінде адвокаттың өтінішін қабылдап, әйелді құлатқан құқық бұзушыларды камералардан анықтауға тырысуда.

Іздестіру мұнда бір жабдықты киетін бір реттік билеті бар көптеген клиенттердің болуына байланысты қиындай түседі екен.

Шымбұлақтың коммерциялық директоры Василий Подкорытовтың айтуынша, шаңғы тебуге келгендер үшін еңісте тұрудың 10 ережесі бар. Бірақ бұл ішкі ережелер және заңға сәйкес, кеңес түрінде ғана. Демалыс орнында қауіпсіздікті қадағалайтын шаңғы патрулі мен шаңғы полициясы бар. 

Баурайдағы қауіпсіздік жағдайы  келушінің атымен байланыстырылмағандықтан адамды табу қиын, ал егер қонақ ережелерді бұзса, әкімшілік тек оның қолындағы рұқсатты ған бұғаттай алады. Ал сол тәртіп бұзушы жаңа билет алып,  қайта сырғанауға шыға береді. Егер рұқсаттамалар құжаттарға байланысты сатып алынса, шипажай тұрақты түрде бұзақыларға жаза қолданып, бір реттік билетті ғана емес, жеке тұлғаның өзіне де шектеу қоя алатын еді.

Сонымен қатар, қазіргі уақытта тау беткейлерінде қозғалыс ережелерін жол ережесіне ұқсас ететін, яғни олар міндетті болып, тәртіп бұзған шаңғышылар жазаланатын заң жобасы әзірленуде. Бірақ мұның бәрі алыс болашақтың еншісінде.