Әділет экс-министрі Марат Бекетаевтың қамауға алу мерзімі ұзартылды

Бұрынғы әділет министрі Марат Бекетаевтың қамауға алу мерзімі 21 ақпанға дейін ұзартылды.

Бұл туралы Астанасотының баспасөз қызметі хабарлады.

«2024 жылғы 12 қаңтарда Астана қаласының мамандандырылған ауданаралық тергеу соты күдікті М.Бекетаевқа қатысты қамауға алу түріндегі бұлтартпау шарасын 2024 жылдың 21 ақпанына дейін ұзартуға санкция берді» деп хабарлады елорда сотының баспасөз қызметі.

Естеріңізге сала кетейік, Бекетаев 21 қазанда президент Қасым-Жомарт Тоқаев жариялаған заңсыз тәркіленген активтерді қайтару науқаны аясында сыбайлас жемқорлық ісі бойынша ұсталған болатын. Бекетаев қаңтар оқиғасы бойынша кінәлі деп танылып, қазір жазасын өтеп жатқан Ұлттық қауіпсіздік комитетінің бұрынғы төрағасы Кәрім Мәсімовке жақын болып саналады. Айта кетейік, Бекетаевтың қаңтар оқиғасына дейін кеңесшісі бұрынғы сенатор Қайрат Қожамжаровпен бірге бірқатар атышулы қылмыстық істерді ойдан шығаруға қатысы бар деп есептелетін Сыбайлас жемқорлыққа қарсы іс-қимыл ұлттық бюросының экс-басшысы Талғат Татабаев болған.

Кейін оның елден қашпақ болған жерінде ұсталғаны белгілі болды.

23 қазанда Қазақстан сыбайлас жемқорлыққа қарсы агенттігі дүйсенбі күні Бекетаевтың ұсталғанын ресми түрде растады. Сол күні экс-министрдің екі ай мерзімге қамауға алынғаны белгілі болды.