«Әділ сөз» Астана сотында журналистке жасалған шабуылды дұрыс тексеруге шақырды

«Әділ сөз» сөз бостандығын қорғау халықаралық қоры Астана сотында журналистке жасалған шабуылға алаңдаушылық білдіріп, объективті тергеу жүргізуге шақырды, деп хабарлайды Orda.kz.       

«Әділ сөз» сөз бостандығын қорғау халықаралық қоры 2025 жылдың 30 қаңтарында Астана қаласының Қылмыстық істер жөніндегі ауданаралық соты ғимаратында Ulysmedia.kz журналисі Айша Құттыбаеваға жасалған шабуылға байланысты қатты алаңдаушылық білдірді. «Әділ сөз» бұл шабуылды объективті тергеуге және журналистерді кәсіби міндеттерін орындау кезінде қорғау үшін жүйелі шаралар қабылдауға шақырады» деп жазылған «Әділ сөз» хабарламасында. 

«Әділ сөз» бұл Қазақстандағы журналистерге жасалған алғашқы шабуыл емес екенін еске салды. 2024 жылдың қыркүйегінде Петропавлда полиция рейдінде Qazmedia.kz журналисіне мас адам шабуыл жасаған. Сот оны ұсақ бұзақылық жасағаны үшін кінәлі деп тауып, бес тәулікке қамауға алды.

Қараша айында Батыс Қазақстан облысында Umarovnews.kz сайтының редакторы сот залында соққыға жығылды. Іс ҚР Қылмыстық кодексінің 109-бабымен ұрып-согу бойынша қозғалып, кешірім берген соң жабылды.

«Журналисттің заңды кәсіби қызметіне кедергі жасауға қатысты тек екі іс сотқа дейін жеткен, «Әділ сөз» Қазақстан Республикасының Әкімшілік құқық бұзушылық туралы кодексіне қосымша жауапкершілік енгізуді ұсынады. Бұл оқиғаларға тез және тиімді әрекет етуге және кінәлілерді олар жасаған құқық бұзушылықтың ауырлығын ескере отырып, жауапкершілікке тартуға мүмкіндік береді», - деп қорытындылады халықаралық қор.