Өкіметті сынағандардың өзі праймериз тапсырды – Б. Тілеухан

Мәжіліс депутаты, жыршы Бекболат Тілеухан мәжбүрлі вакциналау, балаларға екпе салу, артқа кеттң, ЛГБТ белсенділерінің күш алуы, діни ағымдар туралы сұхбат берді.

Бұл туралы Orda.kz хабарлайды.

Бекболат Тілеуханның айтуынша, ол жауларына «ерегісіп» депутат болған.

– Парламент сайлауы болар алдында неше түрлі шабуылдар басталды. Менің дұшпандарым депутат болғаннан қорқатын болса, болу керек екен деген ой келді. Әйтпесе бас тартып отыр едім. Рас айтып отырмын. Сол кезде сынап жүргендерге депутат бола қойшы деп еді, келді. Халықта депутат болсаң, елге жанашыр болмай қалады деген түсінік бар, - деді депутат.

Бекболат Тілеухан мектепте хиджап киюге рұқсат бермеу Конституцияға қайшы екенін айтып, заңның дұрыс жұмыс істемей тұрғанын жеткізді.

– Біз сияқты елдің алдында екі жол болады: жаман және өте жаман. Өте жаман елдігінен айрылып, аяғы аспаннан келуі. Жаман – жаман. Отбасы институтын қалыптастырғанда, бесіктен белі шықпаған баланың құқығын, атасы мен әжесінің құқығымен теңестіріп қойса – ұлт бұзылады. Батырлық деген – ұстанымың үшін өзіңді құрбан ету, - деді  ол.